"Бауырсақ" ортаңғы тобының жаңа жылдық ертеңгілігі "Қош келдің, Жаңа жыл" тақырыбында ұйымдастырылды. Балалар мерекеге арнаған әндерін айтып, би билеп, тақпақтарын айтты.

16 желтоқсан - Қазақстан Республикасының Тәуелсіздік күніне орай "Тәуелсіздік тұғырым" тақырыбында ұйымдастырылған іс- әрекет өткізілді.

Балабақшамен қамтылмаған балалар ата - аналарына арналған консультативтік пункт жоспарына сәйкес педагог- зерттеуші Ұ.Алибекованың ұйымдастыруымен "Ұсақ қол моторикасымен жұмыс жасау арқылы, бала тілін дамыту" тақырыбында ұйымдастырылған іс- әрекет өткізілді.

"Балдырған" балабақшасы құзыреттілік орталығы тірек білім беру ұйымы ретінде Абай ауылы, "Айгөлек" бөбекжай - бақшасының меңгерушісі, әдіскері мен педагогтарына әдістемелік сүйемелдеу ұсынылды. Балабақша дамытушы орталықтармен жабдықталған, арнайы "Ұлттық қазақша бөлмесі", "Кинотеарт бөлмесі", топтардағы ойын аймақтарын таныстыру, аралау арқылы тәжірибе алмасты.

Балабақшамен қамтылмаған балалардың ата - аналарына арналған консультативтік пункт жоспарына сәйкес тәрбиеші Жұманазарова Зағипаның ұйымдастыруымен "Мектеп жасына дейінгі балалардың тілін дамыту" тақырыбында шебер - сынып өткізілді.   

"Әкелер мектебі" жоспарына сәйкес "Қарлығаш" мектепалды топ тәрбиеленушілері арасында "Жеті атаңды білесің бе?" тақырыбында танымдық сайысты топ тәрбиешілері З.Жаманбалаева және Г.Джанкараева ұйымдастырды. Бала тәрбиесіндегі әкенің алатын орны, жеті атасын жатқа білу туралы танымдық әңгімелер жүргізіліп, балалармен  ұлттық ойын ойнатылды.

Тәрбиеші Жайықова Нағима балабақшамен қамтылмаған балалардың ата - аналарына арналған консультативтік пункт жоспарына сәйкес "Дәстүрден тыс сурет салу" тақырыбында кеңес өткізді. 

Ата - аналарға арналған консультациялық пункт жоспарына сәйкес тәрбиеші Серікбаева Алия "Күз кереметтері" тақырыбында іс- әрекет ұйымдастырды.

Консультативтік пункт жоспарына сәйкес балабақшамен қамтылмаған балалармен ата - аналарына арналған кеңесті тәрбиеші Смагулова Гульмира өткізді. Серуен, серуен кезіндегі ойындармен бала дамуындағы маңыздылығы туралы кеңес берілді

Мектепке  дейінгі  ұйымдары  әдіскерлерінің инновациялық жұмыс тәжірибесін анықтау және тарату, олардың кәсіби деңгейін арттыру мақсатында ұйымдастырылған "Мектепке дейінгі ұйымның жыл әдіскері" облыстық байқауынан "Балдырған" балабақшасы әдіскері Исаева Жансая Жамалбекқызы жүлделі І орын иеленді